#كلامعنالدوره_الشهريه.
#DRFITSUDAN
#NutriMD
حدث مهم لكل بنت بتحصل فيها تغيرات هرمونيه كبيره جدا وتضاربات هرمونيه استجابه طبيعيه جدا بس في جوطه بتحصل ? .
١/ حبوب وش زهج صداع
٢/ قرف
٣/ احباط
٤/ جوع نهم وببساطه احساس( طفسنه)
٥/شهيه مفتوحه( شوكلاته/ تلج الخ)
الحاصل شنو؟ ?
⚠ الدوره عباره عن ٢٨ ل٣٠ تبدا من اليوم الاول علي شكل تخليق للبويضات في عمليات طويله. هرمونيا بيحصل تزايد تدريجيا لهرمون اساسي في الدوره اللهو هرمون ( الاستروجين ) لحد ما تحصل عمليه التبويض اللهي في اليوم رقم ١٤ من الشهر..
⚠ في اليوم ال١٤ بيحصل اكبرر زياده في مستويات هرمون الاستروجين. بصوره طبيعيه خالص كجزء من العمليه الحيويه البتحصل في الدوره.. بس في مشكله لو حصل جوع او ازدياد شهيه في الايام ١٣/١٤/١٥ .. معناته ببساطه في زياده غير اعتياديه وجوطه لهرمون الاستروجين...
ف ضروري جدا ما نخرب الدايت.?
⚠ طيب الحل شنو يعني انا قرفانه ونفسي بس اضوق لي حاجه.. لا نقصي بس نسب الاستروجين وتاخدي ( فايتواسروجين) اللهي بتتواجد في الملفوف والقرنبيط والكرنب الحاجات دي بتزود كفائه الكبد انو يتخلص ويقلل الاستروجين . بالاضافه للاهتمام بنسب اليود برضو بساعد فلازم ال مأكولات البحريه.
⚠ نفهم نقطه مهمه. الدوره هي اصلا كده بتحصل فيها الجوطه دي .
في بنات امورهم بتكون كويسه ومسلكه وماف جوطه كده شديد وفي بنات حرفيا كل شهر بعانو وبتمنو الموت لانو الوضع متعب ومهلك و نفسيا سيئ جدا... بس بصراحه ماف سبب بدون مسبب .. ونسال تاني الحاصل شنو ؟؟!!
