تسلّلّتي .. وجيتي من العتام وكان وجهك نور

وأنا لولاك .. ماشفت بحياتي نور قدامي ..

لو إنّي كنت أحط قبال قلبي ألف سور وسور

يطيح السور مايقدر يوقّف موجك الطامي ..

تمّرين ، وكأن الأرض من حولي ماعاد تدور

• كأن الغيم مَّر قبال عيني يغسل آلامي ..

الأرض إليا مشيتي صابها من خطوتيك غرور

وأنا لامرّني عطرك تحقق معظم أحلامي ..

سألتي كم عمرك ؟ .. مادريتي إن السنين تبور

وأنا يوم إلتقينا زان عمري ، وزانت أيامي ..

أحبّ إنّي أحبّك وإن كتبتك ماوصفك شعور

وش أكتب لك وأنا لامن لمحتك تبرد عظامي ؟؟ ..

أجيك بلهفتي حتى لو أبعدني الزمن مجبور

أجيك من الوله " سيرًا على روحي "ماهو أقدامي ..

أحبّك ، وأستلذ بحبّك ودم الغرام يفور

يا ضحكة روحي ، وأول غلاي ومصدر هيامي ?..