لازم نختار صح?
" إنتي بتعملي إيه طول النهار؟ "
راجع من الشغل مخنوق لاقيت مراتي قاعدة في جنب بتعيط من تعبها وإرهاقها، في الحقيقة مـش أول مرة أقولها الجملة دي وكان كل كلامي عدم تقدير لمجهودها لمجرد إنها قاعدة في البيت.
وفي يوم كنت في عزومة عند ناس قرايبنا ولإن ابني" عُدي "
قريب من قلبي خدته معايا .. وكمان هو خفيف الظل والكل بيستلطف كلامه وبيحبوا يهزروا معاه.
خلصنا أكل وقاعدين بنشرب الشاي لاقيته قام مرة واحدة وقال " يلا يارجالة صلاة العشاء! "
فرد صاحبي وقاله " إيه ياشيخ عُدي مستعجل كدا ليه؟ "
- بقى ربنا ينادي علينا ونتأخر ياعمو؟
- هو حضرتك مبتصليش؟
- راح عُدي مسك إيده وقعد على رجله ولف رأسه ناحية عمر بتركيز وقاله " عارف حُكم تارك الصلاة إيه ياعمو؟ "
- فما بالك بقى يابابا بالصلاة نفسها؟"
طيب ياسيدي سجادة الصلاة جوا في الصالون، روح صلي.
فلاقيت عمر صاحبي بص للأرض وبلع ريقه بصعوبة وحـاول ينسج كلام ويغيَّر الموضوع.
فرديت وقولت " كاف... "
رد عُدي بنرفزة وقالي:
" لا يابابا ماما كانت قايلالي إننا لو شوفنا حد مش بيصلي لازم ننصحه باللين الأول ونفضل نحاول معاه لحد ما يصلي ولما يدوق حلاوة الصلاة ويهجرها في الوقت ده بقى نقوله إنه نقض العهد بتاع ربنا "
وماما حفظتني وقالتلي في مرة:
" إن الوضوءُ سببًا للمغفرةِ، والمشيُ إلى الصلاة يرفعُكَ درجةً ويحطُّ عنك سيئةً وانتظارك للصلاةِ بعد الصلاةِ رباط والدعاءُ بين الآذانِ والإقامة لا يُردُّ، وبعد الصلاةِ تدعو الملائكةُ لكَ ما دمت في مصلّاك! "
