في زيادة مبالغة في امراض سوء التغذية في الأطفال عمر اقل من خمسة سنة وفي الوفيات المصاحبة ليو .. بما انو عندي بلاتفورم انضم فيو فحمعطكم شوية .. أول شي داير اقولها اكبر حماية من سوء التغذية الأطفال في اي عمر هو الرضاعة ويفضل بس رضاعة كلية بدون موية زاتو لي أربعة شهور who بقولو ستة

في اسطورة بتاعت انو ماعندي لبن .. ودي يا اخواتنا ما حقيقية نادر جدا يكون عندنا ام ما عندها لبن اقل من 8% وغالبا في امراض عضوية .. في مشكلة حقيقية في التكنيك بتاع الارضاع .. الحبوبات زاتو بقو ما بعرفو يعملو بناتهم يرضعو فالمرة بتتخيل ماعندها ا حاجة ما صحيحة

لبن الام دا ممكن انضم شهرين في فوايده وما اكفيو حقو .. الفورملا لو انقلبت الواطا ما بتساويو .. لو مرة شغالة ممكن تشفطي وتحفظي في الديب فريزر أو التلاجة أو غيرو .. لكن فورملا دي إلا مضطر اخاك لا بطل .. حتي بياثر علي المناعة والذكاء والسمنة والسكري وغيرو

طيب الشافع دايرين نبدي تدخل ليو اكل .. أول شي انا مع انو الموية تتغلي افضل من موية الصحة .. لانو ارخص وتاني شي بتغلي قدرك .. موية الصحة بتتفتح وييشيلو منها ويقفلوها وما معروف يخش شنو .. طوالي اسهالات ومصايب . لو. مضطر جيب قزاز سغار 250 مل واجدع الباقي

يلا دايرين نلحس الشافع .. الشافع ما تديو سكر .. سكر ما تديو ..حيكبر حيبقي زعاط في الاكل . افضل شي تنوع ليو أدمنت حاجات طعمها مختلف عشان يتعود ويكون من اكل البيت ورخيص يعني فول بامبي قرع بطاطس لوبا عفن .. زول مرطب عندك خيرات افضل بروكلي وغيرو