وأخيراً وبعد تسويف طويل..

ملخص كتاب العادات السبع للأشخاص الأكثر فعالية.. https://t.co/w6shbnJUpg

⭕️كلنا عندنا ناس داقين جرس من الاسعار والحكومة والبلد وغيره.. ديل في الكتاب دا بنسميهم reactive people يعني الناس الدايماً بركزوا في الحاجات الما بيقدروا يغيروها.. وفي الجهة التانية عندنا الproactive people وديل الناس السباقين..

يعني حتى لو ديل متأثرين بي نفس المشاكل بتاعت الطرف الاول حيركزوا اكتر في نقطة انا بقدر اعمل شنو؟

لو زول proactive فتح بيزنس في السودان.. ما حيقعد يقول، البلد ، الدولار، العيش.. ولكن حيفكر في كيف بيقدر يوصل لي اكتر انتاجية في ظل الظروف دي وكيف بيقدر يطور البزنس بتاعه..

ولكم ان تتخيلو كمية المجهود والتعب الحيمر بيهو الزول دا عشان يجاوب على السؤال دا ويطور البزنس بتاعه فعلاً..

تفتكروا مخنا الكسلان دا حيميل لي ياتو نوع من التفكير؟ اكيد دق الجرس.. لانه مافيو مجهود ودايما ساهل شديد اننا نرمي اللوم على الظروف والحاجات الما بيدنا..

بدل ما نركز على الحاجات الفي يدنا..

العادة الاولى.. Be proactive.

⭕️يلا اتخيل انت كنت في بيت بكاء ولكن دا بيت بكاء مختلف عن كل البكيات المشيتها في حياتك.. لانك لما وصلت الصيوان لقيت اسمك انت مكتوب في إسم الميت.. حتقول لي روحك شنو؟