بدنا نحكي عن حيوان قديم كثير. تقريبا من 200 مليون سنة. شكلهم كثير مميز وما عمرو خطر عبالنا ايش في جوا قوقعتها او بمعنى اخر "بيتها الي بتتخبى فيه".
الــسلحــفاة
هالثريد راح يكون فيها معلومات جديدة عن السلاحف وبعدين راح اجاوب اكتر الأسئلة الي وصلتني https://t.co/j7xXCGdeZo
اول اشي خلينا نشوف كيف شكل السلحفاة من جوا.
الرئتين تاعتهم بتكون بأعلى القوقعة، و القلب عالقاعدة. عملية الهضم و الامتصاص عندهم كتير بطيئة، ممكن تاخد من اسبوعين لشهر حتى يستفيدو أقصى حد من الأكل الي اكلو. يعني إخراج اليوم هو عالاقل الاكل تاع قبل أسبوعين. https://t.co/1yEUxerhH5
القوقعة تاعتهم هي عبارة عن ٦٠ نوع عظام صار تغيير عشكلهم وكلهم اتحدو مع بعض، هي بتتالف من عظام الصدر و الفقرات و الحوض و الأضلاع. وغير هيك بتتكون من اشي اسمو dermal bone الي هي عبارة عن آخر طبقة بالجلد، هاي الطبقة بالسلاحف تحولت لعظام. https://t.co/pJblKk7Hg4
ومن برا هدول المربعات عبارة عن خلايا البشرة صارلهم تغيير كمان حتى تكون بتحمي اكتر. فيهم بروتين اسمو كيراتين بشكل كثير اكبر من النسبة الطبيعة الموجودة بجلد الحيوانات. و الكيراتين هو نفس البروتين الي بكون الشعر والاظافر و القرون بالحيوانات. https://t.co/k99VG2Ecpu
الجهاز التنفسي فيهم جدا مختلف عن الحيوانات الي بنعرفها. السلاحف عندها قدرة على حبس النفس لفترات كتير طويلة، و بتلجئ للتنفس اللاهوائي ( بصير تكسير السكر بالخلايا ويتم تحويلها إلى طاقة يستفيد منها الكائن الحي)
