طيب ياللا بينا على الثريد الحلو ده عن بلدي ومسقط رأسي محافظة الدقهلية
يعني المنصورة واللي منها?
بلد الشهيد أحمد حمدي والشهيد إبراهيم الرفاعي والبطل أحمد عبدالعزيز والمجاهد حسن طوبار.
يعني بلد الشعراوي وجاد الحق والمعصراوي والنقشبندي ونصر الدين طوبار. https://t.co/FGxlFzbeNW
بلد فاروق الباز وانيس منصور وعلى مبارك واحمد لطفي السيد ونعمان عاشور ومحمد التابعي ومحمود عوض كامل الشناوي ومأمون الشناوي وسعد الدين وهبة والدكتور محمد حسين هيكل صاحب اول رواية حديثة وزكريا الحجاوي رائد الفن الشعبي ومحمود مختار المثال العظيم
بلد عادل إمام وام كلثوم ويحيى الفخراني وفاتن حمامة ومحمد صبحي والمخرج حسن الامام وعيلة العدل
وبلد محمود الخطيب
بلد الدكتور محمد غنيم والدكتور حمدي السيد والدكتور احمد مستجير والدكتور المخزنجي
صخرة الملتقي
بلد المليون طبيب
مصنع الرجال ومملكة الجمال
يوم 6 أبريل 1250 كان اليوم اللي اتأسر فيه لويس التاسع
وحكاية أسره دي لواحدها حدوتة ... حدوتة يعني وتبدأ الحكاية بعد معركة المنصورة لما لويس هرب مذعور بقواته من المنصورة بعد الهزيمة القاسية في شوارعها ، واتجه ناحية دمياط،
لكن المصريين لحقوه في فارسكور وهات ياضرب وقتل وأسر في عسكر الفرنساوية ... في الوقت دا قدر رجالته يهربوه ويخبوه في قرية اسمها ميت الخولي عبد الله(بلد جدتي الله يرحمها) .. وفضلت الحرب دايرة بين المصريين والفرنسيين،
