???: حالياً في ضجه ضخمه باليمن والناس كلها تتكلم وتتناقل قصة الشاب اسمه احمد ياسين العنتري، يقال انه قتل جن وهم يبون ينتقمون منه حالياً ومسوين له محاكمه، هذا مقطع لاول جلسات المحاكمة حسب المتداول تقدرون تشوفون الخوف فيه وانه يتمتم بكلام غير مفهوم نوعاً ماء وفاقد الوعي…

تفاصيل القصة بالكامل والانباء عنها بذكرها تحت التغريدة بهذا الثريد

هذي الصور المتداوله للشاب احمد، وهو عسكري يشتغل بمنطقة اسمها شبوه والقصة بدات قبل عدة اسابيع وقتها حسب كلام الناس باليمن انه قتل جني تمثل له على صورة رجل في الموقع اللي هو شغال فيه واول ماشافه اطلق النار عليه ومات…

وبعدها اخذوه الجن وربطوه لمحكمة الجن في شبوة والقضية ما زالت في المحكمة، القبيلة من الجن اللي هو قتل منهم ويبون ثارهم منه اسمها ال الشيخ، ووالد الجني المقتول هو اللي ماذي الشاب احمد ومصر على المحاكمه ذي ويبي الثار غصب…

طيب كيف وصلت للناس التفاصيل هذي وهي بين الشاب والجن ؟؟!

القصة وصلتهم على لسان شيخ من اليمن هو اللي قاري على الشاب وذكر الموضوع في تسجيل صوتي تناقله الناس في اليمن بالكامل وانتشر بشكل ضخم، التسجيل مدته 4 دقايق سرعته حرصاً مني على وقتكم…

"التسجيل الثاني مو مهم لانه عباره عن كلام واستخراج الجني وكذا مافيه تفاصيل للقصة"

السالفه كانت مترقبه والناس تترقب ايش بيصير بالمحكمة ذي وايش بيكون حكمهم على احمد، لكن قبل ساعه من الان نزل خبر وتصدر الصحف اليمنيه وهو اعلان والد الجني المقتول التنازل عن دم ولده وسامح احمد في الدنيا والآخرة، وبيتم الافراج عنه بعد غد…

نقلت القصة على لسان احد الاخوان باليمن طبعاً، ايش رايكم بالحادثة وهل في تفسيرات او تعليق تبون تذكرونه عنها ؟؟!

الله يبعدنا عن الامور هذي ويجنبنا الدخول فيها واياكم حبايب قلبي، بس حبيت اذكركم ان اقترب الشهر الفضيل وهذي حملة افطار صائم بالحرم: https://t.co/38fDNCFX32