بخصوص كورونا:
شوفوا حالات الشفاء من كورونا واصله٤٠٠ الف حول العالم لاتلتفون لـ حالات الإصابات الجديدة وأصلاً اللي ماتوا كان مقدر يموتون بهالمرض..يعني نسبة وفاتك بكورونا يمكن تكون٠٪ لان ربي مقدر تموت بحاجة ثانية!و اهلك واحبابك بحفظ الله ودامكم ماخذين الاحتياطات ومتوكلين تطمنوا.
قاعدة اكتب وتو اسمع عن حالة قريبة من حارتي وعوافي واثقة لو بيني وبينه شعرة وربي كاتب اموت بشيء ثاني بموت بس مو معناته معرضة نفسي له واقول مارح يصيبني الا شيء ربي كتبه!تاكدوا انها شدة ورح تزول وذا درس يعلمنا ان مخلوق لا يُرى يمكن بحجم الذرة يكون وقلب هالعالم وقلب جميع الاوضاع!
كل الدنيا تشوفونها تلخبطت عشان تعرفون ان الله قادر بغمضة عين يغير الحال لا تقلقون وتيأسون،ولاتنشرون المخاوف ذحين تفتحون التلفزيون تهويل،تويتر تهويل،كل مكان تهويل واغلب الناس كلامهم تهويل وهذا الحال رح يستمر ومدري وش لكن تفتح القران اش تلاقي؟ولا تخافوا ولا تحزنوا،إن مع العسر يسرا!
قل الله ينجيكم منها ومن كل كرب، كورونا وغيره ربي برحمته رح ينجينا ، هذا كلامه سبحانه مو كلامي انا، كل هالأيام رح تمر وترجع الحياة الحلوة الاولى و هالدرس مارح ننساه ابداً والمهم اننا نطلع منه بشيء مفيد مو نضيع وقت بمسلسلات واغاني واشياء تافهه.. استغلوا وقتكم بالدنيا باشياء مفيده.
واعملوا للدار الآخرة و ضروري بهالأزمة تكثرون استغفار و كمان تقرون قران وتصلون كل ما قلتلوا انا شخصياً اشوف الإنسان اللي ما يقرا قران ويصلي طبعا غير الفريضة الفريضة ركن مستحيل يثبت فؤاده ويكون متطمن للجاي الا برحمة الله لأن القران اكبر دافع للثبات والصلاة اكبر سبب للإعانة ?
