علي مدار التاريخ
عدد محدود من العظماء قدر يختصرلنا الزمن وينقل الحضاره لمستوي جديد
علي رأسهم نيكولا تسلا
نقل العالم من مرحله الفحم لمرحله الكهرباء وبدأ الثوره الصناعيه الثانيه
ومنها وصلنا لكل حاجه دلوقتي
مهندس صربي سافر امريكا عشان يشتغل عند اديسون ويصلح اخطاء في نظامه https://t.co/JBhXj4DFpM
اديسون اللي نظامه شغال بالتيار الثابت وعد تسلا ب٥٠ الف دولار لو قدر يصلح العطل وخلال ٦ شهور شغل ليل نهار تسلا صلح النظام واضاف عليه تحسينات ولما راح يقبض مكافأته اديسون قاله انا كنت بهزر
طبعا اتجنن ورغم انه معندوش دخل تاني
قرر انه يسيب الشغل
خلال سنتين تسلا كان متشرد حرفيا
بينام في الشارع بيشتغل اي حاجه عشان يقدر ياكل
لحد ما قابل واحد صاحبه اللي عرفه علي مستثمر عاوز يشتغل في انشاء محطات كهرباء باستخدام التيار المتردد
التيار الثابت مشكلته انه بيولد كهرباء لمسافات محدوده فانت محتاج عدد كبير من المولدات عشان تنور مدينه مثلا
المتردد معندوش المشكله دي
اختراعات تسلا ملهاش حصر
الراجل اخترع كل حاجه واي حاجه
بس هتفضل فكره الطاقه المجانيه النظيفه هي الاعظم
الكون بيمدنا باضعاف الطاقات اللي احنا محتاجينها وهنحتاجها
مخزون لا نهائي
انت مش محتاج تحرق فحم او بترول
انت مش محتاج تدفع فلوس
مش محتاج توصيلات
الطاقه هتتنقل لاسلكيا لكل العالم
وعمل تجاربه واثبتلهم بس محدش اهتم يموله في حلمه المستحيل في عالمنا
عملهم عربيه بتمشي بالكهرباء وقارب بيتحكم فيه لاسلكيا
الناس خافت منه وافتكرته ممسوس
اخترع حزام من الطاقه يتعمل حوالين المدن عشان يمنع الهجوم عليها
حزام السلام اترفض واخده منه الجيش
تسلا طول حياته كان بيكره الحكومات
