أتابع فى هذه الأيام مسلسل رأفت الهجان للمرة اللى مش عارف كام الحقيقة
هو بس الإختلاف المرة دى كتير
مبدأيا بأتابع الجزءالاول على نايل لايف
وبعده مباشرة الجزء الثانى على القاهرة والناس
لأ وإيه
وبنفس الإستمتاع
يمكن أكتر شوية
الأعجب إن الظاهرة متكررة
ومش أنا وبس اللى ضاربنى المسلسل+
فى العادى أنا بأشوف الحاجة اللى بتعجبنى مرة واتنين وتلاتة و.... كتير
واللى يعرفونى بيشتكوا من الموضوع ده
بس فى حالة رأفت الهجان الحالة
حالة عااااااااامة?
على رأى الفنان عبد الرحمن أبوزهرة
بتابع ناس كتير بتعمل زى ما بعمل
وبتابع ناس بتعمل أكتر كمان
بيشوفوه كلما أعيدت إذاعته+
وناس كمان بيشوفوه الأيام دى ثلاث مرات على ثلاث فضائيات مختلفة
وناس إبتدت تفكر وتبحث عن سر الشغف بعمل تم إنتاجه منذ نحو 30عاما
ومازال يحمل نفس البريق
ويحظى بنفس الإحتفاء والمتابعة??
والحقيقة بعيدا عن الحكاية الأصلية المعجزة فعلا
وعن الدراما الرائعة التى صاغها الأديب صالح مرسى+
فقد ساعدت عناصركثيرة كانت فى أفضل حالاتها فى نجاح العمل وإستمراريته
طب ماتيجى نفكر فى أسباب تانية
ونرجع بالذاكرة للحاجات اللى ما حدش بيفتكرها من الناس الكتير قوى اللى دايما بيدخلوا الفيلم من نصه ويقرفونا
وياريت بيسألوا عن الأحداث اللى فاتتهم
لأ
بيخشوا بدماغهم
ويشتبكوا على طول+
حين ظهر الجزء الأول من رأفت الهجان سنة 88
وتم التمهيد له بدعاية صاخبة ملفتة جدا
جن جنون بعضهم
فمسلسل جديد يتم إذاعته والترويج له بكثافة
ويتحدث عن جهاز المخابرات العامة المصرية فى زمن يوليو
كان يؤلم بعضا من السفلة
الذين إعتادوا التشهير بدولة يوليو
وصنعوا الكثير من شهرتهم ومجدهم+
