أنا سمعت البودكاست كله والترجمة دي غير دقيقة من مصدر واحد وهو صحفي متطرف أصلا .... كروس مقالش الكلام ده بالشكل ده

كروس اتسأل يحب يعيش فين وقال أن عيلته اختارت اسبانيا وكانو عايزينه يجدد ٣ سنين مع الريال https://t.co/fa5nqUJBhl

كروس اتسأل عن صياح الجماهير ضده في السعودية وقال هما وصلهم كلامي غلط .. أنا معنديش مشكلة مع اي لاعب يلعب في السعودية وأنا فكرت أروح هناك أو أمريكا بس عيلتي رفضت .. أنا علقت أن مش شايف أنه صح لاعب عنده ٢١ سنة يجري ورا الفلوس .. لكن لو عنده ٣٠ سنة وهياخد أضعاف مرتبه ده منطقي

كروس لما اتسأل عن الحياة في المدينة الكبيرة ( العاصمة) قال انه يفضل اسبانيا على المانيا كمان ١٠ سنين لما بنته تكون في سن خروج وسهر .. وده مش معناه أنه بيقول اسبانيا أحسن من ألمانيا لكنه كأب هيبقى متطمن أكتر نسبيا

قال أن اوضاع العنف والانقسام جوا المانيا مش مريحاه وده بيولد زيادة في العنف في الشوارع

وقتها المذيع هو اللي قال بسبب ان الاوضاع خرجت عن السيطرة وانهيار الخدمات الصحية والتعليمية اخر ١٠ سنين وخصوصا بعد الكورونا

كروس في النهاية قال أن احساسه الشخصي أن مش سهل تقول رأيك بصراحة في ألمانيا وضرب مثل أن كلامه دلوقتي هيتاخد برا سياقه ? بسبب الاستقطاب

وقال أنه بيتفق مع المذيع أن الهجرة هي الموضوع العام اللي تحتيه كل المشاكل دي بس مش معنى كلامه أنه ضد الهجرة على العكس هو ١٠٠٠٪ بيدعم ده