مابه جديد .. امور كثيرة جداً سلبية

مستويات كثيرة جداً سلبية وادارة سيئة

للمباراة وكونك تكـرر نفس الخطأ لا يعني

انه دائماً يكون صحيح ..

طبعاً فيه امور ايجابية .. فيه امور مبررة

عشان لا نظلم أحد ولكن السـوء الطاغي ..

لازلنا في نفس "فترة الشك" ولم نخرج ..

اعتقد مباراة بعد مباراة مفترض تفهم

انها ماهي مشكلة لاعبين .. حتى لو كانت

مشكلة لاعبين في مباراة ماهي كذلك في

٥-٦ مباريات وربما اكثر لبعضهم ..

الجمهور كل شخص حاط حرته في لاعب

غوميز وفييتو وسيبا وكاريّو والبريك وحتى

الدفاع ما سلم رغم انهم اقل من ينتقد ..

ابغى اقول شي مهم .. الهلال مع اسوأ مدرب

في اي زمن تحدده ومدرب انت تحدده وحتى

تشكيلة انت تحـددها راح يكون مستـحوذ في

مباريات مثل هذه ويضيع كم فرصة أكيد ..

اذاً فكرة ان تقول جاتنا فرصة وضيعها فييتو

بكل رعـونة هـذه ممكن اتقبلها لو كنت فريق

صغير ومعدل وصوله مفترض يكون محدود ..

بالتالي انت شخص تبغى تمسك لاعب فقط

او لاعبين وتخليهم هم السيئين وتعامل بقية

مباريات الفريق مثل مباراة الوحدة ... وكأننا

فعلاً كنا جيدين وأضعنا فـرص لا نهائية هـذا

خطأ لأن فيه كوارث فنية واخطاء مكررة ..

ابغى اضيف شي .. ترى لا يوجد اي لاعب

في الفريق جاء بدون طلب ورغبة من رزافان

وفكرة انك تتوقع ان لاعب واحد فقط بيغيّر

كل شيء هنا انت مخطئ اكثر واكثر ..

الحين بيجيني رد يعني عاجبينك الاجانب ؟

طبعاً لا ... ارجع للصيف راح تلقاني ضد اي

واحد من آخر اسمين استقر عليهم الاختيار ..