ماقد فكرت وش يصير بجسم مريض السكري؟
ببسط لكم الموضوع ?:
حنا يوم ناكل اغلب الاكل ينهضم ويتحول الى جلكوز، الجلكوز هذا عبار عن الطاقة الاساسية بالجسم فلازم يمشي عبر الدم بعد امتصاصه الين يوصل للخلايا ويدخل جوا الخليه، وهنا تجي دور الخلية بأنها تكسر الجلكوز وتحوله الى طاقة ??
طيب طيب لحظه! الحين الجلكوز الي جاء من الاكل بعد هضمه ودخل الخلايا، من دخله ؟
بضبط هنا تجي وظيفة البنكرياس ?، البنكرياس وظيفته ببساطه انه يطلع (انسلوين)، وهذا الانسولين شغلته انه يطق باب كل خليه ويقولها هاه محتاج طاقة (جلكوز) ؟
اذا محتاجه جلكوز، الانسلين بيدخله جوا الخلية ?.
كذا عرفنا ان مستحيل يدخل جلكوز جوا الخلايا بدون أنسولين ??♂️ لانه هو الحارس.
اوبس لحظه، مريض السكري مايشتغل عنده البنكرياس بشكل جيد، اذاً مافي انسولين، اذاً مافي جلكوز يدخل الخلايا،اذا الخلية ماعندها طاقة ??? .
طيب ي عمر اذا الجلكوز ماقدر يدخل الخلايا وين بيروح ؟ بيبقى بالدم ويتراكم بالدم الين يصير عندنا حالة اسمها hyperglycemia, ارتفاع السكر بالدم .
لان مافي انسولين يدخّل الجلكوز جوا الخلايا فيبقى الجلكوز برا بالدم ويتراكم ?.
طيب طيب لحظة؟ اذا مافي جلكوز يدخل جوا الخلايا وزي ماقلت لنا ان الجلكوز هو المصدر الاساسي لطاقة، حينها الخلية من وين بتجيب طاقة ؟! ???
حينها الجسم بيطلع طاقة من تحت الارض اهم شيء يغذّي الخلايا حقته، فيبدأ يكسر العضلات ويكسر الدهون، الي هي اصلاً فات وبروتين ويحولهم لطاقة ??.
