عودة هنيئة للتحليل الإحصائي.

حاولت أستغل الإحصائيات الحديثة المنشورة علي منصة The Analyst التابعين طبعاً لـ Statsperform؛ الشركة تابعة للشركة الأم المشهورة Opta.

الإحصائيات دي مكنتش متوفرة قبل كدا علي أي منصة مجانية، ولذلك دمجتها مع منصة Fbref التابعة لـ Statsbomb.. توهت ها؟ https://t.co/jZYr029coG

والحقيقة هي، زي ما هنشوف، الإحصائيات دي هتساعدك تترجم أفكار كانت عندك ربما خلال الموسم ومكنتش قادر توصفها بدقة لأنه الي كان متاح مكنش كفاية؛ أو علي الأقل دا كان الحال معايا.

فيما يخص الدوري الإيطالي، تفاصيل غريبة هتظهر، بعض منها فاجئني والبعض التاني زي ما قلت، ترجم شكوكي.

لب الموضوع يكمن في إن مفيش فريق بعينه يستحق اللقب الموسم دا، الكل معيوب بدون شك، ولكن هناك ظواهر تستحق الذكر، مشوفتش أي منصه إديتها حقها.

خلينا نبدأ لأني بدأت أحس إني بـ Market لشيء خاوي زي العيال بتوع اليومين دول.

خلينا نبدأ بشيء بسيط ومتعارف عليه؛ إحصائية الأهداف المتوقعة.

الإحصائية الي بتقيس جودة التسديدات خلال الموسم وبالتالي بتدينا إنطباع أدق عن جودة هجوم الفرق، أكثر بكتير من الي بنستبنطه من إحصائيات التسديدات والأهداف.

في نوع خاص من الإحصائية دي بيقيم تسديدات الفريق من اللعب المفتوح

أعتقد السبب هنا بديهي ومفهوم، لكن للتكرار فدا بيحصل لأنه زي ما هنشوف، في فرق بتقدر تخلق كم فرص ضخم من الكرات الثابتة، وبالتالي بنحتاج نفصل بين الإتنين.

لو بصينا للـ plot دا هنجد إنه إنتر أفضل فرق الدوري في خلق الفرص من اللعب المفتوح، ويليهم ساسولو وأتلانتا. https://t.co/dVFoI8Iiyy