كلمتين بقي عشان بس الهري الفاضي ..

مش كل شوية حد يطلع يقول احنا وقفنا وراه و احنا عملنا و استحملنا و الطبقة المتوسطة هتنزل و البلا بلا بلا ..لا يا اخ ..انت وقفت ورا مصلحتك و مصلحه عيالك و حريتك اولا ..اه صحيح طبعا بتحب بلدك و حسيت بالخطر و كل الكلتم دة .. بس بردو دي مصلحة ..

و اخدت المصلحة تالت و متلت..بدليل انك قاعد تهلفط ورا الكيبورد و تتخانق اهلي وزمالك و خناقات الساحل و بتتفرج علي الصبارة الراقصة و بتشير نكت و عايش يابو الكباتن.بص حواليك كدة..شوف الناس عايشة ازاي؟مش هقولك العالم التالت عشان عارفة حركات و هو لازم نبص علي الاوحش احنا بننتقد للاحسن

فبقولك اهو بص يا ننوس علي الاحسن ..بص كويس و ملي عنيك ..الكل طافح الدم و بيعاني و ساكت..مافيش مانع يتنرفز ينزل في مسيرة يتضرب من شرطته بتاعه حقوق الانسان يكتب خبر هنا واللا هنا تريأة فانت ياروحي تنبهر بقي و بص شوف المواطن بيتريأ عادي ازاي ؟و هنا اساسا ماحدش معبرهم و تقرفنا بقي

طيب بص يا اخ و من الاخر ..احنا مش مستعدين نحاسب علي فاتورة تانية ابدا زي بتاعه يناير ..انسي ..و مش معني انها بقيت كخه لما جه جنب جيبي تبقي الله هنشيل مانخلي..لا يا باشا احنا دفعنا دم و شهدا وحرقة اعصاب و قرف فسيادتك اتفلق عادي خالص مايهمناش..و اي كلام و هري فاضي

هتخوفنا بيه و تعمل عميق مش عاوزة اقولك اخي المواطن كلامك تحطه فين؟اكيد انت عارف ..

هلفط احبيب البي زي ماتحب و هيص مع اصحابك و شلتك و افتكر روحك محور الكون و عدل علي الحكومة و الرئيس للصبح براحتك لكن حط في عينك حصوة ملح و اختشي..مصر مش مدينة لك بحاجة و لا احنا و لا السيسي نفسه