⛔ حاجة مؤلمة

انك تضيع زمنك وجهدك و تركيزك في الوجهة الغلط

?اذا طالب ثانوية وعايز تختار مجال جامعي

?او زول حاسي بالضياع في حياتك بدون وجهة

? اذا كنت/ي اب او ام

دة اهم #ثريد كتبتو .. اتمنى يفيدكم

دي تجربة نجحت معاي وان شاء الله تفيدكم استخدمتة فيها منهجية اسمها

? ايكيجاي - ikigai

و دي فلسفة يابانية بتعني

ايجاد حياة ليها معنى تعيش عشانة

طيب كيف تلاقي مجالك ويكون هو سبب ليهو معنى لوجودك في الحياة ؟

?? بالاجابة على 4 اسئلة

ملاحظات قبل نبدأ

⚠️ الاسئلة دي حا نجاوب عليها كم مرة لين مانصل للايكيجاي حقنا

⚠️ اكتب اي شي يخطر في بالك

⚠️ ممكن تستعين بناس بيعرفوك كويس للاجابة على السؤال الاول والتاني

⚠️ ورقتك وقلمك ومكان هادي

⚠️ ما تستعجل ممكن تصل في يوم وممكن في شهر

نبدأ الاسئلة

1️⃣ الحاجات البتحبها شنو ؟

اكتب كل شي ممكن بتحب تطبخ بتحبي تتذوقي بحب ارسم .. كل شي

2️⃣ الحاجات المحترف فيها شنو ؟

او البتقدر عليها بشكل كويس

اكتب كل شي

⚠️ استعين بالناس الحوليك لانك احيانا بتعمل حاجات صعبة بعفوية بتفتكرة حاجة عادية وغيرك منبهر بيك https://t.co/gIFbBd0g7S

3️⃣ الحاجات العالم او المجتمع الحولك محتاجة شنو ؟

اكتب اي شي فيهو حوجة وابسط طريقة عشان تعرف العالم عايز شنو من خلال المشاكل البيواجهوها شنو وعايزين شنو عشان ما تكون مشكلة