رحلتي من الأكل إلى الصيام

بناء على طلبكم - انا مليش دعوة - هاقولكم ف الثريد دة بشكل مختصر ازاي خسيت حوالي 28 كيلو خلال ال 9 شهور اللي فاتوا

1 /23 https://t.co/SF40GcsnLq

اولا وقبل كل شيء دي مجرد فضفضة باحكي فيها اللي انا عملته الفترة اللي فاتت

انا لا دكتورة ولا متخصصة

انا قبل ما اعمل اللي انا عملته دة قعدت كتير اقرا واشوف فيديوهات قبل كل خطوة عشان استقر انا هاعمل ايه

ف لو حد حابب يجرب حاجة يحاول يعرف عنها الاول

2 /23

أولا الاكل

انا كنت باعمل صيام متقطع ودة طريقته سهلة اوي

ببساطة ماتاكلش ??

الصيام بيتفاهم مع هرمونات الجسم اللي مفروض لو اتظبطت نزول الوزن بيتم كويس وبشكل صحي

وهو ليه صور كتير بس كلهم بيدوروا حوالين انك تقعد فترة مش بتاكل اي حاجة وفترة محددة بس للأكل

3/23

يعني نقدر نقول زي صيام رمضان بس مسموح بالمشروبات منعدمة السعرات يعني شاي قهوة نعناع ينسون كمون بس كلها بدون سكر ولا لبن مثلا

انا ف فترة الاكل نفسها كنت عاملة نظام منخفض الكاربوهيدرات

يعني تقريبا مفيش مخبوزات او حلويات او مكرونات وكل الاسرة الكريمة اللي كلنا عارفينها دي

4 /23

الاكل حوالين البروتين والخضار والفاكهة بس

اي بروتين - لحمة فراخ سمك بيض جبنة فول مع دهون صحية

زبدة سمنة زيت زيتون

اي خضار بقى تحبه - حتى البطاطس والبطاطا باكلهم

بس مش كتير ومش محمرين

والحقيقة مكنتش عاملة اي حدود للفاكهة برضك وان كان المفروض يعني بس اللي حاصل بقى

5/23