نزولا عند رغبة صديقي الاسفيري @Mutwali13 قال #نتكلم_بزنس عن حصايل الصادر
هي شنو؟
ومالها؟
وليه؟
وهل في ناس تاني زينا بيعملوها؟
والاحسن شنو؟
ونحاول نجاوب بالبنعرفو، ولو في bankers يصلحونا، تجار لأ...
??
طيب احب ابدأ بان كل تشريعات بنك السودان في السنين الفاتت كانت تشريعات في مكانها، وتقنيا "عرجاء" في نفس الوقت، لان بيعملها زول فني عارف هو بيعمل في شنو، وبيجي محافظ (احم احم) يقدها في المنشور زاتو باستثناءات ماعندها معنى، وبتبوظ التشريع نفسه...
الا هل بلغت..
طيب...
حصيلة الصادر هي القروش المحولة من الخارج للسودان قصاد شي صدرناه، اي شركة محلية صدرته.
البنك التجاري ما عنده دولار قدر يديه للمصدر، والبنك المركزي ما عنده البيدعمه بيهو، وتمن الدولار البنكي اقل كتير من تمن الدولار الحقيقي، ودا لان البنك المركزي مغفل..
يقوم البنك التجاري الحصلت عبره المعاملة يخلي القروش ما تصل السودان اصلا، تحت ضغط العميل، الداير قروشه بتمنها الحقيقي، ودايما في المعاملات عابرة البحار دي بيكون فيها تلاتة بنوك، بنك المشتري، وبنك البايع، وبنك وسيط اسمه المراسل، لانه بيستلم ورق الشحن، وينتظر ورق الدفع لمن القروش
??
تنزل في حسابه، بيسلم الورق بتاع الشحن، عشان تكون المعاملة تامة...
يللا هنا البنك التجاري بيقول للعميل قروشك وصلت، وبقى اسمها حصيلة صادر. بنك السودان بيديك زمن معين لو ما استخدمتها للاستيراد، بيقرم منها حاجة "للدواء" اظن ١٠ في المية، ويديك الباقي بسعر البنك. يعني بيخرب بيتك
??
