#الضربفىالوشّمافيهوشمعلش

كنا من فترة نشرنا مقال عن تاريخ استهداف مصر و الجيش المصرى .. بتاريخ يعود لحرب اكتوبر المجيدة .. والرغبة فى تدميره أو تفكيكه باسقاطه اما فى حروب مباشرة .. أو فى صراعات اقليمية .. أو فى حروب بالوكالة .. أو بإنهاكه إقتصاديا وكل ده فشل تماما حتى الآن? https://t.co/pOHNEFONnP

بل بالعكس .. قدرات الجيش المصرى تضاعفت .. وبالذات فى خلال العشر سنوات الماضية .. ولاعزاء لقطيع الزومبى بتاع "هى مصر بتشترى سلاح لييه !!؟؟" ?

الكلام ده مجرد مقدمة علشان نقول لكم انه من الأخر كدة ... عملية 7 أكتوبر كان المستهدف الوحيد فيها هو الجيش المصرى وتوريط مصر فى صراع?٢

مش مجرد صراع عسكرى .. ولكن صراع أممى .... والهدف الأول والأخير فيه هو سيناء ... يعنى بلا القضاء على "سماح" بلا بتنجان بلا كل الكلام الحمصى المعلن ده .. !!

وعلشان نفكركم .. العملية حصلت يوم 7 أكتوبر .. والصحف والقنوات العالمية بدون استثناء كانت بتتكلم يوم 8 اكتوبر ?٣

عن التهجير لسيناء .... يعنى كل شيئ كان متحضر .... وسيبك من موضوع تصفية القضية والكلام المنمق ده ... مش هنضحك على بعض .. القضية بايظة من زمان .. وبإيدين اصحابها ... و هم اللى عملوا فى نفسهم كدة ...

كل حركات التحرر فى العالم كله نجحت فى تحرير بلادهم .. إلا دول .. بسبب انقسامهم?٤

وتقطيعهم فى بعض .. وجريهم وراء الفلوس والسبوبة بإسم القضية .. وبوصلتهم المنحرفة اللى بدل ماتتوجه لعدوهم .. موجهة طول الوقت لكل اللى بيساعدهم وأولهم مصر اللى خسرت الكثير بسببهم ... وياريت عاجب !!

نرجع تانى .. القضية منتهية .. واللى مخلى القضية لسة موجودة هو مطالبة مصر المستمرة?٥