شنو الحاجة الرئيسية الممكن تخلي المعركة الحالية بين الجيش السوداني وبين قوات الدعم السريع تتحول لحرب أهلية على نطاق واسع زي الحصل في سوريا/اليمن/الصومال/رواندا وغيره أو تنتهي كحالة عنف متكررة للجيش السوداني مع مليشيا عسكرية تسعى للسلطة؟
حاجة رئيسية واحدة بس وهي .....
هي الممكن تعمل الفرق وهي = أنه ما في أي فئة اجتماعية (قبلية ولا مناطقية ولا عرقية أو عقائدية) أو حتى كتلة سياسية عندها قاعدة اجتماعية تعتبر أنه الدعم السريع دا بقاتل لصالحها أو بمثلها، وأنه ما في أي جهة أو مجموعة تنظر لانتصار الجيش السوداني دا كأنه انتصار على قبيلة
معينة ولا عرقية معينة، وإنما هو انتصار الجيش السوداني بوصفه المؤسسة الوحيدة المحتكرة للعنف في البلد الأسمه السودان دا.
دا المربط الرئيسي (بعد حفظ الله ورعايته وكرمه بهذه البلاد) الممكن يخلي المعركة دي مهما طالت ومهما تمرحلت أنها ما تتحول لحرب أهلية،
وأنها تنتهي كحالة تمرد وقتال مسلح، حالة تمرد لمليشيا سلطوية أي حيكون فيها عنف وأبرياء وقتلي لكنها في النهاية ما حرب أهلية.
حالة الحرب الأهلية في اليمن وسوريا وروندا وكثير من دول أفريقيا حصلت لأنه في فئة اجتماعية معينة كانت شايفة في مجموعة مسلحة أنها بتعبر عن مصالحها أو بتمثلها
في مقابل فئة اجتماعية ثانية، ولمن اتسعت دائرة القتل والعنف استثيرت الفئات الاجتماعية دي من الجانبين وتوسع فضاء العنف والقتل من المليشيات والجيش ليشمل المجتمع وفصائله وقبائله. الحالة التانية لحدوث حرب أهلية زي الحصل في الصومال، هو أنه مجموعة سياسية معينة عندها قاعدة اجتماعية تعتبر
