بما أن موعد الفيدرالي هالاسبوع راح أوضح بعض النقاط المهمة بهذا الثريد:

1⃣لا تحط ببالك ان السوق راح يختار الاتجاه "صعودا او نزولا" بعد القرارات "صانع السوق يعرف وين راح يتجه السوق بغض النظر عن الخبر.

بسبب أن الاوضاع الاقتصادية واضحة بالنسبة له + لو كان يبي يشتري ما راح يشتري حاليا على سبيل المثال اهو ببالة منطقة شراء معينه والشرح يطول بهالنقطة اكتفي بهذا القدر وانشالله اشرح هالنقطة بالتفصيل بوقت لاحق حاليا مو بصدد شرح هالنقطة.

2⃣خبر رفع الفائدة يشكل 10% من الخبر فقط المهم الخطاب بعد خبر قرار رفع الفايدة. لذلك الي يقولك رفع الفايدة نقطة كاملة سلبي "ولو ان كلامه ممكن يكون صحيح" لا تسمع له, لأن الموضوع أعمق من هذا بكثير وراح أوضح بالأمثلة. والأهم اجعل التشارت صديقك التشارت لا يكذب.

3⃣الحين راح نتكلم عن اجتماعات الفدرالي بخصوص الفايدة من بداية سنة 2022 الى آخر اجتماع فدرالي ونشوف شلون تفاعل الناسداك مع الخبر.

?اجتماع الفدرالي بتاريخ 26 من شهر يناير. الفدرالي ثبت الفايدة على 0.25 نقطة. السعر تحرك مثل قطار الموت صعودا خفيف ثم هبوط قوي عنيف خلال فترة بسيطة. بعدها صعود قوي قبل استئناف الهبوط. أقدر أحلل كل حركة من هذي الحركات لكن راح اتركها لوقت لاحق بثريد منفصل انشالله. (الصورة للتوضيح) https://t.co/3LM3NGtOdC