عندي 2 أصدقائي متزوجين وعندهم ولد عمرو 8 سنوات تقريبآ ، المهم الولد دة عنده مشكلة معقدة شوية ، القصة ببساطة إنه - حسب وصفهم - مقتنع إنه بنت إهتماماته وميوله شوية أنثوية بل دة بدأ يظهر في طريقة كلامه وإختياره للألوان وإهتمامته بل وتواصله مع الحوالينه بشكل عام وأسلوبه ككل

2 - أمه من باب الشرح كانت بتحكي لي إنه لفترة جربوا العلاج النفسي كذا مرة وللأسف التغيير والنتيجة كانت غير ملحوظة فمن باب الإقتراح تكلمت معاهم إنه ضروري يفرضوا على ولدهم دة [هوية جديدة] فيفرضوا عليهو روتين معين ودائرة إختيارات معينة ويقحموهوا في نمط معين بحيث إجباري يتغسل مخه

3 - أفتكر المناقشة دي إستمرت قرابة 45 دقيقة ناقشنا فيها حرفيآ تفاصيل صغيرة الصغيرة

Small details

لدرجة حتى تكلمت معاهم في تضيق الوقت البيقضيه مع أخواته البنات وإهتماماتهم ، وإنهم يعمله فلترة لأصحابه الحوالينه ويراقبوا الماهية البيقضي بيها وقته ويعيدوا ليه تصحيح إهتماماته

4- والنبرة البيدلعوهو بيها والبيخاطبوا بيها وحتى الأوامر البيدوها ليهو وإنه دور الأب إنه يجروا للهوية الذكورية ويبدا يسلسل ليه شعور إنه متحد معاه في نفس الجنس والهوية ويبدأ ينقل ليه مشاعر وأفكار الهوية دي لحد ما الطفل دة يصل مرحلة [التقمص ] فالأم كانت بتكتب ورانا التفاصيل دي

وحتى ضحكت لما قلت ليها ضروري تدخلوا يلعب رياضة ولو في طريقة دخلوا ملاكمة لأنه دة من شأنه يبني عنده سمات الرياضة دي وممكن تخليه يتصم بصفاتها ويكتسب هويتها وثقتها والعوائد والإحتكاكات المنها وإلخ

وتم الإتفاق علي كل حاجة وتجربة المقترح دة