الكيس الكلابي/داء المشوكات او Echinococcosis

هو واحد من أهم الأمراض الي بتنتقل من الحيوان للانسان. هي من احد انواع الديدان بتيجي عن طريق اكل الكلب لغنمة مصابة بهالطفيلي بطور غير بالغ. بعدين بالكلب الدودة بتكمل دورة حياتها و بتصير تطرح الطور المعدي للانسان او اي حيوان تاني ممكن ++ https://t.co/FFcjDW0lHO

ياكل اشي كان ملوث ببراز الكلب. هاي الدودة بتعيش اكتر اشي بالكبد والرئة والدماغ بالاغنام. عشان هيك دايما بننصح اي حد بشوف اشي مش طبيعي بالذبيحة يتخلص منه بطريقة صح عشان الكلاب او حيونات الشارع ما تاكلو وتنشر المرض. و المرض موجود بالأردن بنسبة منيحة عشان هيك لازم ننتبه

و اذا شفنا كيس نفس الي نشرو الدكتور بالصور الي منزلهم. ما حد يفتحو او يعطي لولاد صغار يلعبو فيه. لانو داخله بكون ملايين اليرقات المجهرية من هاي الدودة. وعلاجها مش سهل و بأغلب الأحيان بحتاج تدخل جراحي عشان ادوية الطفيليات ما بتقدر تخترق الكيس

اهم اشي للوقاية منها هو :

1- ما حد يرمي اي اشي مش طبيعي بالعين المجردة من الذبيحة بالشارع.

2- تغسيل الخضروات منيح بشكل عام. واذا في اي نوع من انواع الكلاب بالمنطقة (ثعلب، ذئب، حصيني.. الخ) لانو كلهم بنقلو المرض.

3- ما حد يفكر ولا مجرد تفكير انو يلعب بالكيس اذا شافو داخل حيوان