الضباع بين الخرافات والحقيقة!

راح احكي عن أكثر الحيوانات الي مأخوذ عنهم فكرة غلط. وفي كثير اشياء مش صح. وانا اشتغلت مع النوعين الي هم الضبع المخطط و الضبع الافريقي. و كتير بهمني نعرف عن الضبع المخطط لانو بعيش بمناطقنا وبلادنا العربية. https://t.co/HY0XE60Fxk

عنجد الضبع ما بندفن الا بوجود الشرطة؟ قال الضبع اذا اجت عينك بعينه بخليك تلحقو عالكهف؟ بول الضبع بخلي الانسان يتجمد مكانه؟ هسا عنجد جلد الضبع بوصل حقه 50 الف دولار عشان تهريب المخدرات؟ وكثير اسئلة تانية.

الجواب: https://t.co/JYnrTe85yM

قبل ما ابلش احكي عن النوعين. راح احكي عن عالفصيلة بشكل عام.

الضباع من الحيوانات الي يتصنفو كفصيلة لحالهم"Hyaenidae"هم مش من فصيلة الكلاب ولا البسس. بس من ناحية التشريح والأسنان والاستجابة للادوية بنتعامل معهم كقطط. وضايل اربع انواع ما انقرضت الي هم الافريقي والذئبي والمخطط والبني https://t.co/56EIZPlL8D

الضبع المخطط - striped hyena

واحد من الحيوانات القليلة الي متبقية بالأردن وما انقرضت زي كثير حيوانات بسبب الصيد الجائر والقتل الي ما الو داعي بس بسبب الخرافات. هاد النوع من الضباع يعتبر حيوان قمام. يعني ما بصيد بس باكل الأشياء الميتة و خضار وفواكه. https://t.co/d9NfZ7S7ln

هم عندهم قدرة عالصيد بس بفضلو ما يصيدو الا أشياء صغيرة زي الدواجن و الاغنام الصغيرة. و بحالات نادرة جدا تسجل اعتداء على الناس. بالعادة بتكون ام مع ولادها وكان البشر كثير قريب منها. و الضباع المخططة تعتبر حيوانات جبانة مع الناس و بتهرب لما تشوفنا. ف ما في داعي انو نقتلهم. https://t.co/SEAqc2ilrL