إهداء خاص لكل معارفي واصدقائى وكل من هم من جيلنا القديم أيام الزمن الجميل ( اللي عدوا السن الجميل فقط ) تلك الابيات الرائعة لإسترجاع بعض ذكريات الطفوله الجميلة
يالا نفتكر:
تعريفه ونكله ومليم
وصاغ نحاس قديم
شلن فضه ملمع
ونص فرنك مضلع
قرش من النص مخزوق
وبريزة الملك فاروق
لعبتنا كانت نحله ودبور
وعسكر وحراميه بالدور
ماتش كوره في شارعنا
ودوري بين حتتكم وحتتنا
ودورى ممتاز اخر تمام
الزمالك يتغلب من السواحل
والاهلي زيه من الترام
وحميدو وحمدلله واوكا واكما
واسامي ضاعت في الزحمه
البريموس كان وابور الجاز
وتلج باللوح لتلاجة الاستاذ وسباك لفونية بابورك
ياخينا
ونلحم كمان خرم السربنتينا
ألايس كريم كان جيلاتي
والكبابجي كان اسمه حاتي
والمصيف شقه وكابينه
والفسح سيما وجنينه
الشوكلاته بيمبو وكورونا
والعصير سكر وعليه لمونه
المشاوي دره وبطاطا
وايديك في جيبك وماشي بلاطه الكتب من سور الازبكيه
والدعا من جوه التكيه
والتليفون من غير حرارة
وقلة الادب كانت سيجاره
الستات وقوره بدون حجاب
والدين عمره مافرق بين الصحاب
والبقاله الحلوه من عند خريستو
والجبنه الغاليه يارومي يا فلامنك يانستو
شكوكو كان بيعمل اراجوز
والخلاط علشان حليب وموز
ولو فاكر ياسيدنا كل ده
تبقي زيي قديم وعجوز https://t.co/zuOAOoCvv7
