هعمل ثريد خفيف كده عن معلومة يمكن ناس كتير متعرفهاش

في سنة 2005 تم إفتتاح واحدة من أكبر الحدائق في مصر ويمكن في العالم علي مساحة 80 فدان وهي حديقة الأزهر بالقاهرة الفاطمية واللي تبنّي الموضوع دا وقتها وأهداه لمصر هي مؤسسة "اغا خان" للتنمية وهي منظمة عالمية بتهتم بالتراث

1 https://t.co/LDCNmvJJdz

ايه بقي قصة المنظمة دي ومين هو الآغا خان ؟!

خلينا نرجع بالسنين لورا حبة حلوين

وتقريبا سنة 1094م لما أتوفي الخليفة المستنصر بالله الخليفة الفاطمي الثامن والإمام الثامن عشر في سلسلة أئمة الشيعة الإسماعيلية

ووقتها كان عنده ولدين الأكبر اسمه نزار و الأصغر اسمه المستعلي

2 https://t.co/SO9bhaacmd

وكان وقتها في الحكم الوزير الأقوي في الفترة دي وهو "الأفضل بن بدر الدين الجمالي" واللي غير وقتها قواعد توريث الحكم وشاف أنه من الأفضل أن تذهب الخلافة للأبن الأصغر "المستعلي" لأنه "صغير يؤمن جانبه ولا يُخاف منه" ودعي كل القادة لمبايعه المستعلي وتم بالفعل إعلانه خليفة

3

طبعا الكلام دا معجبش الإبن الأكبر نزار اللي أيقن أن المبايعة تمت خلاص ف هرب للأسكندرية علشان يحتمي بأنصاره ودخل بعدها في صراعات دموية مع الأفضل الجمالي وبالتالي مع اخوه وأنتهت كلها بانتصار الأفضل ويقال أنه قبض علي نزار وقتله بطريقة غريبة في زنزانة

4

الروايات التانية بتقول أن نزار قدر يهرب من الإسكندرية لإيران وكان ليه ولد وهناك أسس دولته الجديدة واستمرت السلالة بتاعته من بعده وأنقسم وقتها الشيعة الإسماعيلية لفرقتين "المستعلية" أتباع المستعلي و "النزارية" أتباع نزار وكل طائفة شايفة أن التانية مزيفة وأئمتها مزيفين

5