ناس الغيوان هو افضل BAND في تاريخ العرب، وافريقيا.
لا ينافس قوتهم، اصالتهم، ابداعهم وتأثيرهم احد.
للاسف العيب التاريخي للمغاربة انهم مش بيعرفوا يتكلموا عن نفسهم، لو عندهم نص القدرة دي عند المصريين.
كانت فرقة زي ناس الغيوان، بقت ليها مكانة وانتشار اكبر عند العرب وعرفوهم!
مفيش فرقة في تاريخ الموسيقى مزجت الكم دة من الثقافات والتصنيفات الموسيقية، في قالب واحد
التصوف: انفلونس الازجال والحكي الشعبي وفكرة التخلي
موسيقى وثقافة الغناوة، موسيقى وثقافة العيساوة، موسيقى الملحون، الموسيقى العربية الكلاسيكية
ثقافة الهيبيزم والسلام العالمي
ناس الغيوان استبدلوا الالات الاساسية في اي باند روك مثلا
بالالات التقليدية المغربية الشعبية
وخرجت نفس الاصوات بغروف اقوى واعمق
ودي حاجة من ابدع ما يكون
تخيل البيتيلز مش بيلعبوا بالالات بتاعتهم وبيلعبوا بالات انجليزية شعبية وينجحوا نفس النجاح!
نضيف عليهم الطريقة العروبية (الفلاحية المغاربية)، الاسلوب الصحراوي والشلح وتأثر بفن المسرح وفن "الحليقية" واللي بيتجمع فيها الناس حوالين فنان في حلقة عشان يغني ويمثل!
وجنب دة كله كتالوج عظيم من "الاغنية الملتزمة" بقضية، واللي عملت حراك ثقافي ثوري موازي للحراك النضالي على الارض.
