الزملاء في The Athletic عاملين تقرير عن مصدر أموال مُلاك أندية البريميرليج، وتقرير تاني عن التشامبيونشيب.

في بترول وعقارات وخلافه طبعا، لكن في مصادر ربح تانية مثيرة للاهتمام هاجمع أفشخها في الثريد ده، ولا يفوتكم تالت نادي بجد مش clickbait

?ستان كرونيكي - أرسنال: الزواج

ببساطة كرونيكي اتجوز من آن والتون سنة 74، وهي بتنحدر من أثرى عائلات الولايات المتحدة.

? ديليا سميث - نوروينش سيتي: كتب الطبخ

سميث البالغة 80 سنة اشتهرت بتقديم برامج الطبخ في التليفزيون وعندها سلسلة كتب طبخ. وجوزها مايكل وين طونز هو الناشر بتاعها كمان.

ثروة الثنائي قليلة بالمقارنة مع مُلاك أندية آخرين: 27 مليون دولار فقط.

? ديفيد جولد - وست هام يونايتد: الإباحية

جولد بدأ رحلة كفاحه ببيع صور ومجلات جنسية، لحد ما حقق ثروة كبيرة منها في السبعينيات.

كمان جولد عنده مجموعة متاجر للمعدات الجنسية (ديلدو، كلبشات، ڤايبريتور، إلخ).

وكمان عنده مجلة اسمها Sunday Sport ودي الموديلز فيها لا مؤاخذة توبليس.

?عائلة راو الهندية - بلاكبيرن روفرز: الفراخ

اختصاصهم في تربية الدواجن وبيع الوجبات السريعة وتطوير لقاحات الدواجن.