مقارنة بين فاكسين فايزر و مودرنا

١- الاتنين آمنين و فعالين

٢- الاتنين تم تجربتهم علي عينة كبيرة مودرنا علي ٣٠ ألف شخص و فايزر علي ٤٣ ألف شخص

٣- الاتنين جرعتين مودرنا بينهم ٢٨ يوم و فايزر بينهم ٢١ يوم

٤- الشخص اللي يأخذ التطعيم فرصته اقل ٢٠ ضعف في العدوي بكوفيد عن الشخص اللي مخدش التطعيم

٥- يعتقد ان المناعة الناتجة بتفضل سنة كاملة و قد يكون أكتر في مقابل ٣ شهور تقريبا للي خد العدوي نفسها

٦- مودرنا تخزينه اسهل و مش محتاج درجات حرارة ٧٠ تحت الصفر زي فايزر

٧- مودرنا قدرته احسن علي منع الحالات الأصعب

٨- فايزر الأعراض الجانبية بتاعته من ألم مكان الحقنة و صداع و حرارة و رعشة أقل من مودرنا

٩- الاتنين بيستخدموا تقنية mRNA اللي بتعمل مناعة اسرع و اقوي و مش بتغير الجينات (مع لو بتغير الچينات بتاعتنا دي تبقي كرم أخلاق منها)

شكراً

#BaroudyDaily #covid_19 #corona #coronavirus #vaccine #coronavacccine