جابو فيران
قسموهم مجموعتين
مجموعة حقنوها بباكتيريا سيتروباكتار ردوينتيام (Citrobacter rodentium) و دي واحدة من الباكتيريا البتعمل تسمم غذائي
و اثناء ما حقنوها و اثناء فترة مرض الفيران بالتسمم كانو بيدوها بروتينات تاكلها https://t.co/Dlkqcy2u3L
والمجموعة التانية ما حقنوها بالباكتيريا المُسبّبة للتسمم الغذائي لكن كانو بيدوها نفس البروتين البيدوه للمجموعة الأولى
بعد شفاء فيران المجموعة الأولى لاحظو انو البروتينات الكانو بيدوها ليها وما كانت بتعمل ليها حاجة بقت تسبب ليها تهيّجات
وفيران المجموعة التانية ما حصل ليها اي حاجة
الحصل لفيران المجموعة الأولى انو جهازهم المناعي اتعرف على البروتينات البتاكلها الفيران على انها اجسام غريبة و اتفاعل على الاساس دا معاها
مع انها البروتينات دي من البداية كانت غريبة بس الجهاز المناعي كان بيغض الطرف
لكن البيحصل بعد الإصابة بعدوى زي العملتها الباكتيريا دي انو جهاز المناعي ما حيغض الطرف و حيتعامل مع البروتينات الإتأكلت على انها تهديد و حيتصرف بناءا على الأساس دا
دا ملخص الدراسات الجديدة البتشير و تفسر لإنو/كيف المصران العصبي قد يكون نتيجة لتخبط الجهاز المناعي و توليدو لرد فعل مناعي تجاه الحاجات البناكلها
