إذا شفت مجال تجاري معين عليه حركة زايدة، مب شرط تدخل فيه خصوصاً إذا ما عندك شي جديد تقدمه ولا عندك قدرة مالية عالية للتسويق و عرض أسعار أقل..

ببساطة تقدر تكمِّل المنافسين الحالين وتستفيد منهم و تتجنب المنافسة المباشرة.

هنا أمثلة بسيطة من الواقع لناس حققوا نجاحات بهذي الطريقة ??

القصة الأولى 1️⃣

أحد الأشخاص كان عنده شركة نقليات، طبيعي ماقدر ينافس الشركات الحالية. علاقاتهم أقوى و أسطولهم أكبر و أكثر خبرة.

فيه مشكلة عالمية عند كل شركات الشحن اللي هي last mile delivery والقصد فيها الوصول للعميل النهائي. هذي الشركات سهل عليها تنقل كميات كبيرة بين المدن

تابع القصة الأولى 1️⃣

لكن المشكلة دائما في التوزيع النهائي،في الخارج كثير منهم يحول هذي العملية لمناديب أو شركات صغيرة تغطي مدن أو أحياء معينة.

خوينا إتبع نفس الأسلوب و صار يتولى عملية التوصيل النهائي من المستودعات لباب العميل في مناطق معينة. وصار جزء من عمليات شركة شحن كبيرة.

القصة الثانية 2️⃣

مصممة ديكور ممتازة لكنها تواجه نفس المشكلة اللي يواجها أغلب المصممين وهو صعوبة الدخول للسوق اللي يعتمد على السمعة والعلاقات بالدرجة الأولى. أغلقت مؤسسة التصميم الداخلي الخاصه فيها و صارت تتعاون مع محلات صغيرة، تسوي لهم ديزاينات أبواب و حديد مشغول.. إلخ

تابع القصة الثانية 2️⃣

الآن صارت تتعامل مع عدد كبير من المحلات وبعضهم صار يطلب تصاميم خاصة، هالمحلات صعب عليهم يوفرون مصمم بشكل دائم وهي حلت مشكلتهم. الآن أيضاً توسعت و صارت تربط بعض العملاء مع محلات لشراء السيراميك و غيره من المواد و بأسعار خاصه.