السلام عليكم
اليوم بتكلم عن وش صارلي خلال شهر وأربع ايام من العملية((العملية كانت ثاني رمضان اعتقد يوم الاحد))
(طلعت من المستشفى يوم السبت يعني جلست اسبوع عندهم وطلعت )
وبقول كلشي وان شاء الله اني ما انسى شي
#الجنف https://t.co/6ZMHfGthux
سادس يوم من العملية قدرت اني ارجع البيت
وطبعا ممنوع ترجع البيت لين يتأكدون انك تقدر تتبرز وانتم بكرامة
للأسف انا ماتبرزت الا مره وحده وبعدين لعبت عليهم اقولهم ايه اتبرز وانا كذاب .
عموما رجعت البيت وبصراحة ركوب السيارة كان متعب جدا والنزول وحتى الدرج وهذا طبيعي لانه توني مسوي
العملية عموما دخلت البيت وانسدحت علطول
طبعا لما ترجع البيت يعطونك مسكن ترامادول وفيفادول هذول لازم تاكلهم ولا بتتتتعبببب من الالم القوي
طبعا الاسبوع الثاني والثالث رح تحس بألم بنومك ومرات بتقوم من شدة الالم وهذة كله طبيعي ولاتخاف بس فترة مؤقتة الي عليك ...
الي عليك تلتزم ب المسكن وخلاص + لازم تقوي جسمك وتاكل اكثر من ٣ وجبات لان جسمك يحتاج طاقة ويحتاج اكل ويعوض النقص الي جاه + يفضل انك تاكل حلبه عاديه وتاكل بعد حلبه الخيل واذا ماتحب طعمها تقدر تشتريها حبوب من الصيدلية + ابعد عن الغازيات تماما لانك تحتاج تقوي عظامك ولاتكثر من السكر
وارتاح تمام اول اسبوعين لاتسوي اي شي فقط الي عليك انك تمشي يوميا ربع ساعه او نص ساعه + تمارين العلاج الطبيعي .
تقريبا في نص الأسبوع الثالث والاسبوع الرابع خلاص يبدأ الالم يخف كثيييييير وماعاد تحتاج للمسكن انا عن نفسي تركت علبه كامله + حبتين لاني الحمدلله ماعاد احتاجه
