ثريد طويل عليه storyboard اعلان بيبسي إللي حكيت عنها وكنت نشرت منها 2 frames.

الفكرة كانت علشان campaign ازازة جديدة ليمتد ايديشن من بيبسي هتنزل فترة نفس شكلها فترة الخمسينات.

الإعلان بيبدأ أوائل الخمسينات في مستشفى، والممرضة بتبشر الأب بمولود، وصناديق البيبسي بتتفتح احتفالاً. https://t.co/xZvPbiAeVX

بتمر سنين ونشوف نفس صندوق الخمسينات الخشب، والإبن اللي اتولد في سنوات طفولته بيلعب بيه كعربية وواحد صاحبه بيجره في شوارع القاهرة في الخمسينات.طبعا البيبسي في أيده.

*الاطفال في الوقت ده فعلاً كانوا في مصر بيلعبوا كده بصناديق الحاجة الساقعة، يستخدموها عربية أو بورد سكيتنج. https://t.co/SMd3FhszWs

الولد بيكبر سنة او اتنين بنشوفه بيستخدم نفس الصندوق بشكل تاني.. بيستخده علشان يبتدي يقف عليه ويطول الشباك ويكلم بنت الجيران. https://t.co/wqfs90Du74

وفعلا بيبقوا صحاب وبيعزمها على”كازوزة" بيبسي في جنينة الأسماك بعد المدرسة.

*التفاصيل زي لبسهم وشنطة المدرسة مع فترة نهاية الخمسينات. https://t.co/guOinLxK9b

بيكبروا الاتنين ويعدوا شوية مرحلة الطفولة. صندوق بيبسي الخشب الضخم بقه مختلف مع بداية الستينات، وبقه مناسب كمان لطول الولد في الفترة دي. https://t.co/CJnxkW3qtP