شوفو الثريد كامل
تنظيم أغضبني.
في الحلقة دي حنشرح تجربة عملية إتعملت وتم شراء 700 ريأكت "أغضبني" ب 2 وربع دولار فقط. ( البوست مش لغرض التعليم .. البوست عشان تفهم إزاي التلاعب بيحصل بسهولة )
1 https://t.co/nF3t5tEgvK
وحنشرح كمان إزاي تحمي صفحتك (غير البروفايل الشخصي ) من أغلب الريبورتات وألعاب السوشيال ميديا اللي بتتلعب على صفحات المشاهير والبرامج.
2
إيه تنظيم أغضبني ده ؟
ده إسم بيطلق على حسابات من جنسيات عديدة بيديرها شخص.
الشخص ده لما بيستهدف بوست أو خبر بيروح مستخدم مواقع بتدير مئات الألاف من الحسابات اللي بتصطنع التفاعل في كل منصات السوشيال ميديا وبمبلغ بسيط جدا بيقدر يخلي ألاف الحسابات
3
تعمل أي ريأكت هو عايزه، زي أغضبني أو هاها أو قلب .. إلخ
.
الناس دي عادة بتستخدم 2 ريأكتس فقط، الريأكت الأولاني "هاها" وشرحناه قبل كده بالتفصيل في حلقة ألعاب السوشيال عن تنظيم الهاها وإزاي بيشتغل هنا
https://t.co/yVincXOJAo
4
الريأكت التاني هو "أغضبني" وده معمول لكذا غرض:
أولا: التنمر بشخص أو برأي معين عايز توصل لصاحبه إنه رأي مرفوض شعبيا بدليل ألاف الحسابات اللي عاملة أغضبني فكأنه نوع من الإرهاب الإفتراضي.
5
