??خيارات المغادرة :
في ناس كتار سافرو برا الخرطوم الفترة الفاتت في جزء عنده خطط واضحة و جزء كتير لا !
المهم دا ثريد بيشرح ليك الخيارات القدامك شنو بي شكل مبسط
الخيار الاول : داخل السودان عندك جهة الشرق القضارف ،كسلا، بورتسودان،سواكن .
مدن كبيرة ممكن تلقى ليك فيها بيت بسعر مناسب و تكلفة حياة رخيصة .
جهة الشمال عندك الدامر ,شندي ,عطبرة ،بربر ،حلفا .
جهة الجنوب
مدني ،كوستي .
المناطق البعديها شوية معقدة عشان احتمال وصول الصراع ليها
الخيار الثاني : اكتر خيار الناس أخدته و هو خيار مصر هو خيار مناسب لي اي زول بقدر يشتغل عن بعد و وظيفته مستقرة الخيار بوفر ليك حياة بي جودة كويسة و تكلفة مناسبة لكن تكلفة الوصول من ناحية زمن و سعر عالية .
المطلوب منك تأشيرة من حلفا أو بورتسودان لو ذكر و عمرك اقل من 50
الخيار الثالث جنوب السودان خيار قريب من مصر لكن تكلفة السفرة الدخول ما عالية لكن تكلفة الحياة ممكن تكون اعلى من مصر وجودة الحياة اقل من مصر .
الجنوب دا برضو بوفر فرص عمل مناسبة
الفيزا في الحدود !
الخيار الرابع: اثيوبيا الدخول و التكاليف مناسبة تكلفة الحياة اعلى من مصر و اقل من الجنوب .
خيار مناسب لي زول ببحث عن فترة راحة او بخطط يمشي اي دولة تانية لانه تكلفة السفر من مطار اديس مناسبة و متوجهة لي كل الدول خيارات الباحثين عن عمل من هناك كويسة الفيزا متوفرة اونلاين
