#ثريد_الmindpalace عايز اتكلم ليكم الليلة عن حاجة اسمها Mind Palace او Method of Loci ودي من افضل الطرق الممكن تحفظو بيها أي شي بالزات القوائم يعني في القراية ولا ان شاء الله حاجات السوبر ماركت. ودي البستخدموها ابطال مسابقات الذاكرة. وجسدها سير آرثر دويل في شخصيات شيرلوك هولمز. https://t.co/X2PB7sTN3T

يقال انه كان في شاعر يوناني قديم اسمه سيمونايدز كان بقدم شعر في قصر وطلع برة يعمل حاجة واثناء ماهو برة القصر اتهدم على الناس واتطحنو طحن. قِدر سيمونايديز انه يتذكر كل زول كان قاعد وين عشان اهل الضحايا ما قدرو يتعرفوا عليهم لكن هو اتذكر كل زول كان قاعد وين وبالتالي حدد ليهم ناسهم. https://t.co/CHZuUDgijr

المهم الطريقة بتعتمد انك يكون عندك مكان مألوف حافظو كويس (بيتكم) يلا تخش البيت دا اوضة اوضة تقيف في الباب وتحدد ٥ حاجات في كل غرفة او اقل. وترتبهم بي اتجاه عقارب الساعة. مثلاً ١) طربيزة ٢) سرير الخ. وتحفظ الترقيم دا كويسسسس واذا مشيت غرفة تانية وانت كاتب سرير هناك ما تكرره تاني. https://t.co/PFsslgAdau

فكرة الطريقة انها بتعتمد على الspatial memory حقتنا.. زمان الأنسان البدائي كان اهم شي عنده يعرف مكان الاكل وين، مكان الوحوش وين، مكان العدو وين الخ. فدي الذاكرة المكانية وبتكون اقوى من الذاكرة العادية وساهل بالنسبة لينا اننا نوصل ليها وتتذكر الطريق لي مكان او شكل مكان مشيناهو. https://t.co/1kVWNAorgr

نرجع للغرف، بعد ما نكتبهم نحفظ الترتيب كويس لحدي ما نقدر لو زول قاللينا رقم ١ شنو تقول ليو السرير.. رقم ٥ شنو طوالي تعرف. بعدها نجي للجزء المشوق، مثلا حنتخيل انه انا عندي قائمة صعبة للمثال taxonomic rank بتاع المخلوقات الي هو فصيلة مملكة جنس الخ. https://t.co/7SMz7LfDwo