تعالى عزيزي الزملوك الصغنن نشوف فعلا انت مسكين و كنت مش بتصرف ولا لا "ثريد مهم جدا"
?نبدا القصة من موسم جيل 2000-2004: الزمالك المظلوم بيجيب "حسام و ابراهيم و يرجع حازم امام و يجيب تامر عبد الحميد ويجيب مدحت عبد الهادي و حسام عبد المنعم من تركيا
بعدها يجيب صديق و طارق السعيد ومعتز اينو واسلام الشاطر و بداية مسيرة شيكابالا
غير جمال حمزة و عبد الحليم و طارق السيد و بشير
جيل كبير كان تقريبا منتخب مصر و سيطر على الدوري
?قايمة الاهلي كانت شوية لعيبة المنتخب الاولميبي زي غالي و ابو سلم و شيتوس ورضا شحاتة و جاب جيلبرتو ٢٠ سنه و بلال اتصعد و ابراهيم سعيد اللي مكملش و كان في شويه لاعيبة قدام زي وليد صلاح الدين و هادي خشبة و مع النجم وقتها بيبو و محمد فاروق و ائل جمعة
جيل كسب افريقيا و خسر ٤ سنين دوري مع لغبطة في النادي كله
نروح بقى لجيل من 2005-2010 اللي الاهلي سيطر فيه و هل الزمالك كان مكسح فعلا
?نبدا باللاهلي :الاهلي عمل طفرة في الانتقالات ونوع في الانتقالات
شوفنا تريكة من الترسانه" لعيب كويس بس مش سوبر ستار" بركات من قطر كان بيبطل كورة" و تصعيد عماد متعب ناشئ الاهلي
عماد النحاس مع حسن مصطفى اللي جيه من الاتحاد و بعدهم فيلافيو و محمد شوقي و بعدين احمد حسن والصفقة الاهم جوزيه
?الزمالك بقى : طبعا انت عندك الجيل القديم مكمل " الطارقين و عبدالهادي حازم امام جيل كسبان كل حاجه بعدين من 2006
دخل عليهم عمرو زكي و رجع شيكابالا من باوك وسام العبدي من الصفاقسي و اجوجو و هاني سعيد و ايمن عبدالعزيز ابراهيم صلاح ميدو وحسين ياسر وحسن مصطفى من الاهلي و غيرهم كتير
برغم ان جيل الاهلي سيطر جامد بس بص لاسماء الزمالك هتلاقي اسماء تقيله جدا عدت عليهم
نروح بقى لفترة بعد ٢٠١٤ ل ٢٠٢٠
?الاهلي بداء يتراجع جدا في الصفقات و التعاقدات بعد اعتزال جيل عظيم الاهلي تعاقداته بتكون غريبة زي طقم المقاصة ميدو جابر و اسلام محارب و هشام محمد و حمودي و بيجيب لعيبة كويسه زي اجاي و معلول و حجازي و مؤمن زكريا والسواليةًو الشناوي و غيرهم بس جيل بيكسب بس بيكون في تخبط
لحد 2019 اللي بنجيب فيها الشحات و ديانج و بعدهم قفشة وجيل القاضية
?الزمالك بيدخل في عصر ال١٥ صفقة في الموسم و طابور العرض بتاع المستشار طارق حامد بقى و باسم مرسي و كهربا و مصطفى فتحي احمد علي و دويدار و غيرهم كتير اري صفقات كل موسم و كان دايما بيدفع اكتر من الاهلي
و بعدين بيصرف كتير و يجيب بوطيب و ساسي احداد زيزو على جبر عواد بن شرقي النجاز اوناجم مصطفى محمد
الزمالك وصل مرتين نهائي افريقيا و خد كونفدرالية لاول مره من ٢٠٠٢
حتى مع فترة سيطرة الاهلي من ٢٠٢٠ لحد دلوقتي الزمالك خد ٢ دوري برغم ايقاف قيده
?تعالى بقى اقولك رقم مرعب تعرف الزمالك من ٢٠٠٠ لحد دلوقتي مغير كام مدرب
55 مدرب بين مؤقت و مستمر فيهم اللي قعد شهرين و ٦ شهور و شهر و نص موسم بمعدل ٢ مدربين و نص في السنة
?الاهلي غدى عليه ٢٤ مدرب بين مؤقت اللي كان بيجي يسير اعمال و مدرب اجنبي او اساسي
ده يوضح فرق الاستقرار
من الاخر الخلاصة : الزمالك عمره ما كان عند مشاكل مادية غير اللي هو بيعملها لانه دايما بيدفع اكتر من الاهلي و بيدي رواتب اكبر و معندوش سقف رواتب غير تغيير المدربين المستمر بدون وعي ولا دارسه و التعاقدات العشوائية كل ده وصلله للمشاكل ديه
