الثريد المُنتظَر

كيف تتعلم اللغة الإسبانية؟

الكلام اللي هكتبه ده بيمثل تجربتي الشخصية طبعًا على مدار 3 سنين، لعله يكون سبب في مساعدة شخص واحد على الأقل.

أنا اتعلمت فين؟

معهد ثيربانتس، المركز الثقافي الإسباني، وليه فروع في أغلب دول العالم. عندنا في القاهرة والإسكندرية.

السايت: https://t.co/roEgZ0QfH3

تفاصيل الدورات: https://t.co/HuLiRCapM1

الليفلز العامة هي: A1, A2, B1, B2, C1, C2

لكن داخل كل ليفل في كذه كورس، مثلا: A1 فيه: 1و2و3

هل في أونلاين في معهد ثيربانتس؟

أه في من وقت الكورونا، بيبقى نفس الكورس العادي بنفس المنهج بس على Zoom.

أنا مابحبش الأونلاين لأن بحس الناس مش واخداه بجدية وبيعملوا الكورس وهما ممددين على الكنبة.

فلو هتاخد أونلاين اعتبره حضور واقعد كويس وافتح الكاميرا واتفاعل على أد ما تقدر عشان تساعد نفسك وتساعد زمايلك. هو سعره نفس سعر الحضور بالمناسبة. بس طبعا لو تعرف تحضر هيبقى أحسن ليك وللمُدرِّس وأهو حتى تشم هوا شوية وتصاحب ناس جديدة.

ايه المنهج اللي بيتدرّس في ثيربانتس؟

هو Aula Internacional، منهج لطيف وفيه تدرج كويس.

ده الموقع بتاع دار النشر تقدر تشتري الكتب بتاعت المنهج من عليه: https://t.co/tZwpgVL92x