ليش ما تاخذ اللقاح؟

A thread - وشوية طويل

[شوكت نخلص من كورونا عاد]

من يتلقحون على الاقل ثلثين من السكان.

ماراح يتلقحون؟ ماراح نخلص من كورونا.

Simple.

اللقاحات الي جايتك هي استرازينكا و سينوفارم.

سينوفارم: يحتوي على فايروس كورونا غير مفعّل (ضعيف).

استرازينكا: يحتوي على فايروس عشوائي ضعيف معدل جينيا، وبيه الحمض النووي مال فايروس كورونا.

الهدف منهم ثنينهم يعلم جسمك شلون يتصرف في حال دخل الفايروس الحقيقي ويعرف شلون يتعامل وياه ويهاجمه.

[ياهو احسن؟ استرازينكا لو سينوفارم]

متفرق، سواء جانت الفعالية 70٪ او 80٪

المهم اكو فعالية، هاي الـ20% الباقية مو يعني اللقاح ميشتغل، معناها ممكن تنصاب بالفايروس عادي بس ما تتعدى كونها اعراض طفيفة وما تشكل خطر على صحتك ولا تدخلك مستشفى.