ما بعرف ليش حزب الله من ١٧ تشرين أخد على عاتقه يكون واجهة المنظومة. والموضوع تخطى فقط قمع وإجهاض ١٧ تشرين، بالوقت يلي كان ممكن يكون الأقل تضررا من اي تغيير( اذا بدنا نتبنى سرديته انو مش طرف بالمنظومة)

يعني بدأت الخبرية ب١٧ تشرين، دافع عن الحريري اكتر ما الشارع السني دافع عنو

ما طيّر رياض سلامة لما شكّل حكومة عذوقه مع انو شعاره انو سلامة هو المشكلة، بالمبادرة الفرنسية كان رأس الحربة بفركشتها يلي ادت لعودة الحريري ثم الميقاتي، يعني تثبيت النظام، وبإنفجار المرفأ مصر يكون هو بالمقدمة بالحرب عالقاضي بيطار مع انو ما في اي من المتهمين ينتمي للحزب

وقت الثورات عالملكية بأوروبا وخاصة فرنسا، انتشرت هيدي المقولة للمدافعين عن الملك اكتر من الملك نفسه..وهيدا يلي صابنا بالحزب، خيي روقوا اهدوا شوي، مش ضروري هلقد تتحمسوا على شي ما الكن فيه دخل، الا اذا يوسف فنيانوس وعلي حسن خليل بمثلوكن..شي تاني بس خلونا نعرف

نسيت اهم وحدة، قرط تعر يصة للمصارف حتى الMTV استحت تعملها..خيي عطاهن صك براءة انو اميركا مانعتن يرجعوا مصريات الناس…ولا شو هاااااااا