رأيي المتواضع إن الجوازة الناجحة مش الهدية الجبارة يوم عيدالميلاد.. ولا القلب الأحمر والعشا الرومانسي يوم الفالنتين.. مش السفرية الفظيعة في عيد الجواز..ولا ال first dance وال honeymoon... مش الهيييح وOMG و هاو كيوت والنحنحة!
١
الكلام ده مهم وجميل جدااا بس لو مفيش علاقة صداقة واحترام وترابط و"تناغم" في الحياة اليومية واحنا بناكل وبنشرب وبنخرج وبنشتغل وبنكبر .. يبقى الحاجات دي مجرد مسكنات!
الجواز الناجح هو اللي فيه الاتنين صحاب بيحبوا وبيهتموا ببعض..
٢
اللي فيه الراجل بيفتكر معاد الدكتور بتاع مراته وبيكلمها من نفسه يسأل عليها... اللي فيه الست بتبقى حريصة تطبخ له الأكل بالطريقة اللي هو بيحبها عشان بتحب تشوفه مبسوط.. اللي فيها الراجل بيوصلها الكورس بتاعها بنفسه عشان عاوز يشجعها في طموحها..
٣
اللي فيه الست بتهتم إنها تعمل علاقة جميلة مع أهله عشان هو مرتبط بيهم?اللي فيها الراجل بياخد الولاد عن مراته شوية عشان هي ترتاح لأنها بتصعب عليه بجد.. اللي فيه بيستمتعوا بالرغي مع بعض وهما بيشربوا الشاي في اليوم العادي جدااا في حياتهم.. وحتى لو كانوا مشغولين ولا بيشوفوا بعض قليل٤
فهما حريصين انهم يخلوا بينهم تواصل بأي شكل خلال اليوم.. اللي في مشاركة وتعاون في ضغوط الحياة اليومية.. كأننا احنا الاتنين تيم واحد مش ضد بعض.. اللي بيشوفها زعلانة فبيحاول يراضيها.. وهي بتشوفه مهموم فبتقف جنبه.. اللي فيه كل واحد بيعرف يهندل الجزء "المجنون" اللي في شخصية التاني
٥
