مش عارفه افهمها للكيزان اللي في الخرطوم ازاي!
طب اقولهم إن تاريخهم كله عبارة عن حك مستمر ودائم في التاريخ المصري من أول حكم الفراعنة مرورا بحكم الرومان ثم الحكم العربي والاسلامي وانتهاءا بالحكم الوطني؟!
ولا اقولهم إن عاصمتهم الخرطوم ذات نفسها بناها حاكم مصر محمد علي ذات نفسه؟!
ولا اقولهم إن اثنين من رؤساء مصر من أمهات سودانيات , وده سببه الرئيسي كان خدمة الجيش المصري لوقت طويل في السودان , وكان كل ضابط مصري بيخدم هناك بيقعد سنين فبيتزوج من سودانية ويعيش هناك زيه زي أي سوداني عادي؟!
ولا اقولهم إن المسلمين فيهم بينتموا للأزهر الشريف وليهم مكان في كل
مقام من مقامات آل البيت في مصر , وليهم وجود في كل مولد وفي كل حلقة ذكر؟!
ولا اقولهم إن المسيحيين منهم بينتموا للكنيسة المصرية القبطية , وبياخدوا منها ومن البابا بتاعها البركة؟!
ولا اقولهم إن كل اللي كان بيشتم مصر منهم , بيجي في الآخر ويجري ويقول الحقيني يا مصر!
هل كانت مصر بتتخلى عنهم؟! كانت بتقول وانا مالي؟!
أبدا
بنقعد ونتكلم ونساعد وندفع من جيبنا كمان ثمن السلام هناك , وكل ده بيحصل من غير أي وكالة أنباء في الدنيا ما تاخد خبر!
لكن الحقيقة اللي كله عارفها هناك إن مصر هي السبب في أهمية السودان الاستراتيجية سواء لتركيا أو لقطر أو للاخوان
, يعني انت بيتدفع لك فلوس كخائن أو عميل مش علشان سواد عيونك , لاء , علشان تخبط في مصر وتغلط فيها مش أكتر!
حصلت قبل كده وحاول نظام البشير اغتيال الرئيس مبارك , والمخابرات الامريكية جابت الوثائق اللي تثبت كده , وبيل كلينتون اتصل بمبارك وقاله لو قررت تهاجم السودان أنا موافق
