قررت قبل فترة إني افتح #بقالة ، لقيت واحد من الشباب عنده كم فرع وقلت له ابأخذها منك بس شهرين تجربة.. وافق.. كانت تجربة ثرية جدًا ومفيدة لي جدًا جدًا..

حياكم تحت

??

#ثريد

اببدأ من الناحية الفنية في البقالة.. فيه ثلاث تصنيفات.. بقالة.. تموينات.. أسواق

البقالة لاتقل عن 50 متر

التموينات لاتقل عن 100 متر

الأسواق لا تقل عن 500 متر

وكل صنف له شروط معينة

?? https://t.co/HbFuhPHKtv

بطبيعة الحال اللي أخذتها بقالة ثلاث فتحات بس ما زادت عن 100 متر، فيها عاملين وساكنين حولها، طبعا أنا مسؤول في ذيك الفترة عن إيجار سكنهم ورواتبهم،

صرت أجي يوميًا من الساعة 4 العصر إلى حوالي 12 بالليل ماعدا يوم الجمعة، دوام طويل ومتعب جدا، نسيت البيت والطلعات والاجتماعات

الشركات الكبيرة مثل المراعي ونادك والصافي وبيبسي وكوكا كولا وشركات الآيسكريم تعطيك ثلاجة مجانًا بس أنت عليك تشتري الكميات من عندهم أو من المناديب، بعضهم بالآجل وأكثرهم كاش ولا يقبل بالآجل،

هامش الربح من الألبان يكاد لا يذكر، كنت أنزل الزبادي مثلا ب 95 هللة وأبيعه بريال ( قبل ضريبة القيمة المضافة 15٪) وأنت مجبور تنزله علشان الزبون يلقى حاجته.. ولا يطلع من عندك ويده فاضية..

واشتركت عند مزودي بطاقات الشحن، حتى ذولا ما عندهم ربح يسوى.. تقريبا كل 1000 ريال يطلع 3 ريال