صاحي في رمضان نفسك هفّاك على كنافة بالمانجا. كتبت لصاحبك علىWhatsApp انت بتجيبها منين فقالك اقتراح. دخلت فيسبوك لقيت اعلان عنها، دخلت جوجل لقيت اعلان، بتلعب لعبة على موبايلك طلعلك اعلان،ويوتيوب، فتحت انستجرام لقيت الانفلونسر الكراش بتاعتك بتاكلها. طب حصل ازاي؟ تعالوا نشوف ?

في صيف 1994، اخترع المبرمج Lou Montulli واحد من أهم مفاهيم الإنترنت وهي الـ Cookies (بالعربي ملف تعريف الارتباط). وده عبارة عن ملف صغير متخزن على جهازك بيتتبع وبيسجل بيانات عن استخدامك لموقع بتتصفحه من خلال الـ Browser. وبالمناسبة Lou له اسهامات كبيرة في برمجة الـ Web Browsers. https://t.co/HlFiodXSVq

الـ Cookie بدأ بأنه ملف مرتبط بكل موقع بتخشه، كل موقع بتتصفحه بيرمي ملف عندك بيسجل فيه مثلا دخلته امتى ومن فين وتصفحت أيه وأيه اللي عملت Click عليه ولو اشتريت حاجة أيه هي وكل البيانات المتعلقة بدخولك بحيث لما تزوره تاني كل البيانات دي تساعد أنه يحسن من تجربتك. فكرة بسيطة بريئة .. https://t.co/zpCie1ZfT9

تخيل موضوع الـ Cookie كأنك بقيت زبون عند قهوة كل ما بتزورها، القهوجي خلاص عارف طلبك ويقوم مزعق وعندك واحد شاي بالنعناع. طبعا القهوجي بيقعد يدردش معاك، بيعرف انت مين وبتحب أيه والباشا جي منين ورايح فين بس انت بتثق فيه لأنك شايفه قدامك ولو الشاي حلو غالبا الدردشة هتحلو!

طب تعالى نتخيل أن صاحب عربية فول جنب القهوة عايز يجيب زباين فهيروح للقهوجي يقوله أي حد تحس من معرفتك بيه أنه سالك قول له عليا وكل زبون هيجيلي من عندك هديك عليه نسبة اعلانات. القهوجي شايفك زبون حلو كده بتصرف 20 جنيه فممكن تجيب سكة مع ساندويتش طعمية من عربية الفول والعملية تسلك.