أنا اشتغلت مع كابتن شعبان حماد- اللي كان كابتن سفينة ركاب غرقت في الستينات بحريق وحكي لي ان الركاب وهما ينزلوا علي قوارب الإنقاذ اللي بالسفينة كانوا ينزلوا بالتلفزيون أو ما أشتروه من السعودية و كان أخر فرد نزل من السفينة في أخر قارب نجاة واتخانق وعنف راكب مصمم ياخد ثلاجة معاة١
لما تم إنقاذ الركاب والسفن أخذتهم ووصلوا مصر وأخد أقوالهم بعض الركاب قالوا ان كابتن السفينة نزل في أوائل قوارب النجاة (علي أساس انهم شاهدوا شخص لابس أربع شرايط-(كان كبير الإداريين) وعلية أصدرت النيابة قرارها بتجريم شعبان حماد للهروب من مسئوليته وتركه السفينة والركاب ٢
شعبان حماد والناس اللي معاة بالقارب أخذتهم سفينة صيد وراحوا اليمن- وفضوا بالسجن باليمن مدة أسابيع لعدم وجود مستندات معهم وتوتر العلاقات- أطلقوا سراحة- ومع عدم وجود تليفونات بين مصر واليمن أهلة افتكروا أنة توفي- ورجع مصر وأتقبض علية وفضل يبحث عن الركاب اللي معاه لإثبات الحقيقة- ٣
وبالفعل وجد الراكب اللي أتخانق معاه بسبب الثلاجة- والراكب ذهب مع عدد أخرين أكدوا للنيابة ان الكابتن شعبان حماد أخر شخص نزل من السفينة- الراجل دا لما اشتغلت معه كان أطيب و أجدع شخص اشتغلت معاة وكان حريف جدا وبارد جدا وعلمني الكثير جدا و كان لا يستطيع النوم ليلا بسبب ما حدث- ٤
هذا الثريد الي كمونداني شعبان حماد- الله يرحمك-علمتني أسيطر علي أعصابي في المواقف الصعبة ووقت المصاعب أذي أخد القرارات دون خوف و دون نقل التوتر- ربنا يرحمك أستاذي- ٥
