لو حد بيفكر يسافر في الشتاء وعايز يجرب اماكن جديدة في مصر أرشح بشدة مكانين: مرسى علم والواحات الداخلة

?? https://t.co/N6vaKqYl7z

الواحات الداخلة تجربة غريبة ولطيفة جداً. بتبقى ماشي على طريق سريع في وسط الصحراء بس يمينك وشمالك مراعي فيها حيوانات بتجري وتلعب، بس الخلفية صحراء https://t.co/6bFYR6gsU0

الطف مكانين قعدت فيهم هناك كانوا الطرفة (Tarfa Ecolodge) و ديزرت لودج (Desert Lodge). المكانين دلع جداً الحقيقة، الطرفة مليان اعمال فنية مجمعها وائل عابد صاحب المكان ومن اشهر الناس اللي استكشفت الصحرا الغربية في مصر. تجربة البيسين والقعدة وسط الزرع هناك رائعة https://t.co/AlKh6W3BQM

Desert Lodge مبني كله فوق هضبة صغيرة هناك وبتقدروا تشوفوا منه اماكن كتير حواليه. احلى حاجة هناك ان في عين مياة سخنة فوق الهضبة جوا الفندق. من أحلى لحظات حياتي كانت لما نزلت العين بليل في الشتاء من سنتين وجربت الطفو على المياة واتفرج على النجوم لأن مفيش هناك تلوث ضوئي

ارشح بشدة وانتم هناك برضه زيارة "العجبات" (وادي العقبات). كنت حطيت صور اكتر منه في الثريد ده:

https://t.co/kOxCy25DeQ https://t.co/rB1nRUmC9O