كيف تنقص وزنك إذا جسمك من النوع Endomorph

ثريد ?

الناس الجسمهم من النوع دا بيكونو في العادة مليانين ، عضامهم تقيلة ، curvy و نسبة الدهون في جسمهم عالية و بيشيلو اغلب وزنهم في أسفل البطن و الارداف و اسفل الجسم عموماً..  وزنهم يزيد بأقل شي و صعب عليهم جدا ينقصوهو. ليه هم كدا ؟ لأنهم بطبيعتهم عندهم معدل استقلاب بطيء

ف ما بيحرقو سعرات حرارية بالساهل و بتتخزن في الجسم كدهون. و اغلب النوع دا من الناس بحب الراحة و التكيل و الاسترخاء اكتر من انو يتحرك و بيتعبو سريع ، ف التكيل الكتير دا بيزيد من معدل تخزين الدهون غير انهم عموما برضو بحبو الأكل اكتر من غيرهم.

لكن دا كلو ما معناتو إنو هم ما بيقدرو ينزلو من وزنهم بس معناتو إنو موضوع نقصان الوزن بالنسبة ليهم اصعب من باقي الانواع زي ما ال ectomorphs زيادة الوزن بالنسبة ليهم اصعب

عموما عشان الزول ينقص وزنو لازم كمية السعرات الحرارية البيحرقها تكون اكتر من كمية السعرات الحرارية البياكلها في اليوم الواحد (calorie deficit) و دا بيتم من خلال تغييرات في الأكل و النشاط البدني و عادات الحياة اليومية. تعديل الأكل براهو ما بيأثر التأثير المطلوب.