سؤال مهم يا شباب: تقدر تفتكر مشاعرك وإنجازاتك زي إنهاردة من شهرين مثلا؟
-طبيعي هتقولي لا، هو أنا فاكر كلت إيه امبارح!
طب متيجي معايا أنقلك تجربتي إزاي بفتكر أي يوم مر عليا من حياتي ..
تابع الثريد هسيب في نهايته مواد مرئية عربي وإنجلش لعلكم تستفيدون منها.
(1) https://t.co/0XCTRNp5rv
السر كله ياسيدي فيما يُعرف "بتدوين اليوميات أو ال Journaling"
أيوا هو دا حلَّلال المشاكل والعقد وجلب الحبيب والقاضي على الأمراض والآفات بإذن الله :)
ممكن تفكرني بهزر، بس أنا بتكلم جد، أها أها بتكلم جد والله!
تابع بس الثريد وهتعرف، وأهم حاجة في النهاية "تطبق وتستمر"
(2)
-من طرق العلاج النفسي حاجة اسمها "التخلية"، يعني بتفرّغ كل إللي بداخلك من كلام ومشاعر وأحاديث ورغي وكله كله للطبيب النفسي عشان يقدر يفهم سبب المرض ويعالجه.
في التدوين هتكون أنت الطبيب ونفسك هي المريض، هتبدأ تهتم بنفسك قليلا وتتعامل معاها وتختلي بها.
(3)
تدوين اليوميات ببساطة = تجعل لك مكان مخصص تكتب فيه أحداث يومك ومشاعرك.
مكان آمن يكون ملاذك ومهربك من الناس والعالم تختلي فيه بنفسك-أنت وهي فقط-وتُحدث نفسك وتكلمها وكأنك تشارك الحديث مع أحد، مكان ستسمع فيه أنين نفسك وستدرك وقتها أنك كنت مُهمِلا!
(4)
وحتى أكون صادقا معكم مكنتش بحس بالإنجاز في البداية وكنت معترض على الفكرة أصلا وكنت شايف أنها بتأخذ وقت كبير، ولكن قلت أجرب مش هخسر حاجة، وفعلا بدأت في بداية كل يوم افتح صفحة جديدة واكتب التاريخ والحاجات إللي مفروض هعملها إنهاردة.
(5)
