سيدتي الفاضلة ، انا بتاع تاريخ ويمكن مش بفهم في السياسة او بفهم فيها وعامل مش بفهم علشان مش حابب اتكلم فيها لكن لما حضرتك تحطي مصر في جملة مفيدة فده كافي اني ارد على حضرتك . https://t.co/QaxkNdsoWr

مصر هي اكتر دولة عربية اذ لم تكن الدولة الوحيدة اللي وقفت اودام اسرائيل الند بالند ، مصر هي الدولة العربية الوحيدة اللي دخلت مع اسرائيل في مواجهات عسكرية مباشرة وحروب واتعرضت للهزيمة و رجعت قامت وانتصرت .

مصر هي الدولة العربية اللي لم تطلب التطبيع اصلا بل طلبت السلام ولم تكن مهزومة ومحتل ارضها وعرضها ، مصر لما قالت يا سلام قالتها وهي منتصرة و مرجعة ارضها و رافعة راسها والعالم كله يشهد على ذلك ، هي دي مصر .

مصر هي الدولة اللي سافر رئيسها لقلب اسرائيل وهو منتصر ولاخر لحظة وطائرة الرئاسة بتهبط ارض المطار كان الكل متخيل ان هيخرج منها قوات مصرية تفتك بكل الموجودين و ده مش كلامي ولا شعارات ، مصر هي الدولة العربية الوحيدة اللي عندها تاريخ بيكسر عين اسرائيل وشعب اسرائيل وهو ٦ أكتوبر ١٩٧٣

مصر عملت معاهدة سلام بينها وبين اسرائيل و لم يكن تطبيع ، طابا و دهب وبعض مناطق سيناء والسياحة اللي حضرتك بتتكلمي عنها من ضمن بنود معاهدة السلام ، تقدري ترجعي للمعاهدة وتقرأيها كويس وانتي تفهمي ، التطبيع جاي من كلمة الطبيعي ، والطبيعي لم يحدث بين شعب مصر واسرائيل ابدا